Ардчилсан намын дарга Лу.Гантөмөр, Ардчилсан намын Ерөнхий нарийн бичгийн даргын үүрэг гүйцэтгэгч Э.Одбаяр нарт Монголын үнэт цаасны арилжаа эрхлэгчдийн холбооноос Ардчилсан намын 2024 оны сонгуулийн мөрийн хөтөлбөрт тусгах санал хүргүүллээ
Ардчилсан намын дарга Лу.Гантөмөр, Ардчилсан намын Ерөнхий нарийн бичгийн даргын үүрэг гүйцэтгэгч Э.Одбаяр нарт Монголын үнэт цаасны арилжаа эрхлэгчдийн холбооноос Ардчилсан намын 2024 оны сонгуулийн мөрийн хөтөлбөрт тусгах санал хүргүүллээ.
Тус үеэр УИХ-ын гишүүн С.Ганбаатар, Нийслэлийн Ардчилсан намын дэд дарга Ж.Энхбат нар “Монголын Үнэт цаасны арилжаа эрхлэгчдийн холбоо”-ны төлөөллүүдтэй нээлттэй санал солилцлоо.
Саналд төрөөс хамааралтай компаниуд, сангуудыг үе шаттайгаар хөрөнгийн зах зээлд гаргаж ил тод, зохистой засаглалыг бий болгох, Уул уурхайн компаниудыг хөрөнгийн зах зээл дээр гаргах замаар баялгийн хуваарилалт, ил тод байдлыг бий болгох зэрэг асуудлыг хөндөж тодорхой саналуудыг тусгаснаараа онцлог юм.
Хөрөнгийн зах зээл нь хамгийн хурдацтай өсөн нэмэгдэж буй зах зээл бөгөөд баялгийн тэгш хуваарилалт, дундаж давхаргыг бий болгож, компанийн засаглал, авлигын эсрэг ил тод байдлыг бий болгож байдаг чухал салбар юм.
